ປືນໃຫຍ່ຕໍ່ຕ້ານເຮືອບິນບໍ່ມີຄົນຂັບຂອງຣັດເຊຍ
ຂໍ້ມູນອີງຈາກກະຊວງປ້ອງກັນປະເທດ ຣັດເຊຍ ໃຫ້ຮູ້ວ່າ: ຣັດເຊຍ ໄດ້ນຳໃຊ້ບັນດາມາດຕະການປ້ອງກັນແບບໃໝ່ ເພື່ອປ້ອງກັນ ຕໍ່
ຕ້ານໄພນ້າບຂູ່ ຈາກບັນດາເຄື່ອງບິນບໍ່ມີຄົນຂັບ (UAV). ໜຶ່ງໃນນັ້ນກອງທັບ ຣັດເຊຍ ໄດ້ໃຊ້ຍຸດທະສາດແບບໃໝ່ ໂດຍໄດ້ນຳໃຊ້ປືນແຝດ
ຕໍ່ຕ້ານເຄື່ອງບິນ ທີ່ນໍາໃຊ້ໃນສະໄໝສະຫະພາບໂຊວຽດ. ເຊິ່ງປືນດັ່ງກ່າວໄດ້ອອກແບບມາເພື່ອໂຈມຕີເປົ້າໝາຍທີ່ມີລະດັບຄວາມສູງຕ່ຳໄດ້
ຢ່າງສະດວກ ແລະ ແມ້ນຢຳ. ກອງກຳລັງຕໍ່ຕ້ານເຄື່ອງບິນບໍ່ມີຄົນຂັບ UAV ເຄື່ອນທີ່ຂອງລັດເຊຍ ຍັງໄດ້ນຳໃຊ້ລົດກະບະທີ່ຕິດຕັ້ງປືນກົນ
ຂະໜາດ 12.7 ມມ ເປັນສູນບັນຊາການ, ມີລົດບັນທຸກ 6 ລໍ້ 1 ຄັນທີ່ຕິດຕັ້ງປືນກົນລຸ້ນ ZU-23-2 ແລະ ລະບົບປ້ອງກັນຄວາມຮ້ອນທີ່ຕິດ
ຕັ້ງຢູ່ໃນຕົວລົດບັນທຸກ. ປືນກົນລຸ້ນ ZU-23-2 ໄດ້ຖືກພັດທະນາຂຶ້ນມາແຕ່ສະໄໝສະຫະພາບໂຊວຽດໃນທ້າຍຊຸມປີ 1950 ເຊິ່ງເປັນປືນ
ກົນສອງລໍາກ້ອງຂະໜາດ 23 ມມ. ປືນກົນ ZU-23-2 ສາມາດທຳລາຍເປົ້າໝາຍທີ່ບີນຕ່ຳເຊັ່ນ: ເຮລີກົບແຕ ແລະ ເຮືອບິນອື່ນໆຫຼາຍຊະ
ນິດ. ລະບົບອາວຸດປືນຊະນິດນີ້ເປັນວິທີການຕໍ່ສູ້ທີ່ນິຍົມໃຊ້ໃນສົງຄາມ. ປືນກົນລຸ້ນ ZU-23-2 ສາມາດໂຈມຕີເປົ້າໝາຍໄດ້ຢ່າງປະສິດທິຜົນ
ດ້ວຍຄວາມສູງປະມານ 1.5 ກິໂລແມັດ ຢູ່ຫ່າງ 2.5 ກິໂລແມັດ. ປືນດັ່ງກ່າວໃຊ້ລູກປືນຂະໜາດ 23 ມມ, ລວມທັງລະເບີດ (HEI), ລູກ
ປືນເຈາະເກາະ (AP) ແລະ ລູກປືນນຳກະແສຄວາມຮ້ອນ.
ແຫຼ່ງທີ່ມາ: ໜັງສືພິມກອງທັບ
ວັນທີ 22/04/2024